pog.gov.ge - პრაქტიკის გავლა

პრაქტიკის გავლა

საქართველოს პროკურატურისათვის პრიორიტეტულია ხელი შეუწყოს მომავალი თაობის განვითარებასა და პროფესიული შესაძლებლობების გაძლიერებას. კარიერული არჩევანის გაკეთების პროცესში მნიშვნელოვანია თითოეულ პირს სწორად ესმოდეს ამა თუ იმ პროფესიის სპეციფიკა და ხასიათი. საქართველოს პროკურატურაში პრაქტიკის გავლის პროგრამა სტუდენტებს შესაძლებლობას აძლევს განივითარონ პრაქტიკული უნარ-ჩვევები და უკეთ გაეცნონ პროკურატურის საქმიანობას.

საქართველოს პროკურატურის ორგანოებში პრაქტიკაზე მიღება კონკურსის ფორმით, შესაბამისი უმაღლესი სასწავლებლის მომართვის საფუძველზე ხდება.

საქართველოს პროკურატურაში პრაქტიკის გავლის პირობები

საქართველოს პროკურატურაში პრაქტიკაზე მიღება წარმოებს „პროკურატურის შესახებ“ საქართველოს ორგანული კანონით დადგენილი შესაბამისი კრიტერიუმებისა და საქართველოს იუსტიციის მინისტრის 2011 წლის 22 მარტის №43 ბრძანებით დამტკიცებული „საქართველოს პროკურატურის ორგანოებში პრაქტიკის გავლის წესის“ მოთხოვნათა შესაბამისად.

პრაქტიკანტთა კონკურსი ტარდება ორ ეტაპად: პირველი ეტაპი წერილობითი (ტესტირების), ხოლო მეორე – ზეპირი (გასაუბრების) ფორმით.

პროკურატურის პრაქტიკანტად შეიძლება მიღებულ იქნეს ნასამართლობის არმქონე საქართველოს მოქალაქე, რომელიც ფლობს სამართალწარმოების ენას და აქვს უმაღლესი იურიდიული განათლება, ან იურიდიული განათლების მიმღები სტუდენტია. თითოეულ პრაქტიკანტს ინდივიდუალურად განესაზღვრება პრაქტიკის ხელმძღვანელი და ვადა.ა.