pog.gov.ge - სიახლეები

სიახლეები

საქართველოს პროკურატურის წარმომადგენლები დიდი ბრიტანეთის სამართალდამცავი უწყების - დანაშაულის წინააღმდეგ ბრძოლის ეროვნული სააგენტოს წარმომადგენლებს შეხვდნენ

28 აპრილი, 2023

საქართველოს პროკურატურის საგამოძიებო დეპარტამენტის და ცენტრალურ კრიმინალურ პოლიციაში გამოძიების საპროცესო ხელმძღვანელობის დეპარტამენტის თანამშრომლები დიდი ბრიტანეთის სამართალდამცავი უწყების - დანაშაულის წინააღმდეგ ბრძოლის ეროვნული სააგენტოს წარმომადგენლებს შეხვდნენ.

შეხვედრაზე პროკურატურის წარმომადგენლებმა სტუმრებს დეტალურად გააცნეს პროკურატურის ძირითადი საგამოძიებო მიმართულებები და არსებული გამოწვევბი. ყურადღება გამახვილდა საქართველოს პროკურატურის მიღწევებზე ორგანიზებული დანაშაულის წინააღმდეგ ბრძოლაში, ასევე განიხილეს წარმატებული საერთაშორისო თანამშრომლობის და ეფექტიანი გამოძიების კონკრეტული მაგალითები.

ორმხრივ შეხვედრაზე ხაზი გაესვა პროკურატურის როლს კიბერდანაშაულის წინააღმდეგ ბრძოლაში. აღნიშნულ თემაზე,პროკურატურის წარმომადგენლებმა სტუმრებს ახლად შექმნილი კიბერდანაშაულის წინააღმდეგ ბრძოლის სამმართველოს სტრუქტურა და არსებული პრაქტიკა გააცნეს.

დიდი ბრიტანეთის სამართალდამცავი უწყების წარმომადგენლებმა ქართველ კოლეგებს გაუზიარეს მნიშვნელოვანი გამოცდილება კიბერდანაშაულის პრევენციისა და გამოძიების მიმართულებით.

შეხვედრის დასასრულს, მხარეები მომავალში ურთიერთთანამშრომლობაზე შეთანხმდნენ.

სხვა სიახლეები

პროკურატურის მიერ წარდგენილი მტკიცებულებების საფუძველზე, განსაკუთრებით დიდი ოდენობით ნარკოტიკული საშუალების უკანონო შეძენა, შენახვის, რეალიზაციის ხელშეწყობის და ნარკოტიკული საშუალების უკანონო წარმოების მიზნით ფარული ლაბორატორიის მოწყობისთვის ბრალდებულებს 17-17 წლით თავისუფლების აღკვეთა მიესაჯათ

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და განსაკუთრებით დიდი ოდენობით ნარკოტიკული საშუალების უკანონ... ...

21 ივლისი, 2026

პროკურატურის მიერ წარდგენილი მტკიცებულებების საფუძველზე განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და რეალიზაციის ხელშეწყობის ფაქტზე ბრალდებულებს 20 -20 წლით თავისუფლების აღკვეთა მიესაჯათ

21 ივლისი, 2026

პროკურატურის მიერ წარდგენილი მტკიცებულებების საფუძველზე, დიდი ოდენობით თანხის და ქონებრივი უფლების თაღლითურად დაუფლების ფაქტზე ბრალდებული სასამართლომ დამნაშავედ ცნო

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და დიდი ოდენობით თანხის და ქონებრივი უფლების თაღლითურად დაუფ... ...

21 ივლისი, 2026