პროკურატურამ გ.რატიანის მკვლელობის ფაქტზე ბრალდებული დააკავა

სიახლეები

13 მარტი, 2015

2015 წლის 13 მარტს, მესტიაში მომხდარი გიორგი რატიანის მკვლელობის ფაქტზე სამეგრელო-ზემო სვანეთის საოლქო პროკურატურამ საქართველოს შსს - საქვეუწყებო დაწესებულების სასაზღვრო პოლიციის სახმელეთო დეპარტამენტის მე-9 სამმართველოს ოპერატიული მორიგე კახა მარგიანი დააკავა.
ჩატარებული გამოძიებით დადგინდა, რომ 2015 წლის 13 მარტს, კახა მარგიანის საცხოვრებელ სახლში სტუმრად იმყოფებოდნენ გიორგი რატიანი და ზაზა ჯაფარიძე. კ. მარგიანს სტუმრებთან შელაპარაკება მოუვიდა, რაც მალევე ჩხუბში გადაიზარდა. ჩხუბის შემდეგ კ. მარგიანი, გ. რატიანი და ზ. ჯაფარიძე ერთმანეთს დაშორდნენ. რამოდენიმე წუთში კახა მარგიანი შეიარაღდა ცეცხლსასროლი იარაღით და თამარ მეფის ქუჩაზე ფეხით მიმავალი გიორგი რატიანის და ზაზა ჯაფარიძის მიმართულებით მოახდინა რამოდენიმე გასროლა, რის შედეგადაც გიორგი რატიანი მიყენებული ჭრილობებით ადგილზე გარდაიცვალა, ხოლო ზაზა ჯაფარიძე დაიჭრა ზურგის არეში. მომხდარი ფაქტის შემდეგ კახა მარგიანი შემთხვევის ადგილიდან შეეცადა მიიმალვას, თუმცა იგი ბრალდებულის სახით დააკავეს. ბრალდებული ჩადენილ დანაშაულს აღიარებს.
ამჟამად საქმეზე გრძელდება გამოძიება საქართველოს სსკ-ის 19,109-ე მუხლის მე-3 ნაწილის „ა“ ქვეპუნქტით, რაც სასჯელის სახედ და ზომად ითვალისწინებს თავისუფლების აღკვეთას 16 წლიდან 20 წლამდე ვადით.

სხვა სიახლეები

2008 წლის აგვისტოს ომში დაღუპულთა ხსოვნის პატივის მიგების ნიშნად, საქართველოს პროკურატურის ადმინისტრაციულ შენობებზე სახელმწიფო დროშები დაეშვა

საქართველოს პროკურატურის ადმინისტრაციულ შენობებზე, 2008 წლის აგვისტოს ომში დაღუპულთა ხსოვნის პატივის მიგების ნიშნად, სახელმწიფო დროშები დაეშვა. მთავრ... ...

08 აგვისტო, 2026

პროკურატურის მიერ წარდგენილი მტკიცებულებების საფუძველზე განსაკუთრებით დიდი ოდენობით გადასახადების თავის არიდების, დიდი ოდენობით თაღლითობის მცდელობის და მოტყუებით ქონებრივი დაზიანების ფაქტებზე ბრალდებული სასამართლომ დამნაშავედ ცნო

ახალციხის რაიონულმა სასამართლომ სრულიად გაიზიარა პროკურატურის მიერ წარდგენილი მტკიცებულებები და განსაკუთრებით დიდი ოდენობით გადასახადების თავის არიდებ... ...

07 აგვისტო, 2026

საქართველოს გენერალურმა პროკურატურამ სამშობლოს ღალატის და საბოტაჟის ფაქტზე გამოძიება დაიწყო

საქართველოს გენერალურმა პროკურატურამ სამშობლოს ღალატის და საბოტაჟის ფაქტზე გამოძიება დაიწყო. გამოძიების დაწყებას საფუძვლად დაედო სსიპ ვეტერანების საქ... ...

07 აგვისტო, 2026