„ცენტრ პოინტი

სიახლეები

„ცენტრ პოინტი"-ს წარმომადგენლების მიერ განხორციელებულ თაღლითობის ფაქტზე მთავარ პროკურატურაში გამოძიება მიმდინარეობს

10 აპრილი, 2013

მთავარ პროკურატურაში მიმდინარეობს გამოძიება სამშენებლო კომპანია „ცენტრ პოინტი"-ს წარმომადგენლების მიერ განხორციელებულ თაღლითობის ფაქტზე. აღნიშნულ ფაქტზე სისხლის სამართლის საქმე 2012 წლის 22 ოქტომბერს საქართველოს შინაგან საქმეთა სამინისტროში აღიძრა. დანაშაული გათვალისწინებული საქართველოს სისხლის სამართლის კოდექსის 180-ე მუხლის პირველი ნაწილით. საქმე მთავარ პროკურატურის საგამოძიებო ნაწილს 2012 წლის დეკემბერში გადაეცა.

იმის დასადგენად, რომ „ცენტრ პოინტი ჯგუფის" სახელით განხორციელებული სხვადასხვა პროექტების მიმდინარეობისას, მასში შემავალი კომპანიების ხელმძღვანელი პირების მხრიდან ადგილი ჰქონდა თუ არა მენაშენეთა კუთვნილი თანხების არამიზნობრივად გამოყენებას და მითვისება-გაფლანგვის ფაქტებს, კომპანია „დექსუსი"-დან ამოღებულ იქნა „ცენტრ პოინტ ჯგუფში" შემავალი ბინათმშენებლობის ამხანაგობების, შეზღუდული პასუხისმგებლობისა და სააქციო საზოგადოებების საფინანსო-ეკონომიკური საქმიანობის ამსახველი სრული დოკუმენტაცია. 2013 წლის 25 იანვარს ამოღებულ დოკუმენტებზე დაინიშნა რევიზია.

ამჟამად დასრულებულია ერთ-ერთი კომპანიის, ს.ს. „ევრაზიის საინვესტიციო სააგენტო"-ს შემოწმება. მითითებულმა „სააგენტო"-მ, ბინათმშენებლობის ამხანაგობა „თაბუკაშვილი 88"-ის დაკვეთით, განახორციელა მრავალფუნქციური საცხოვრებელი კომპლექსის მშენებლობის ფინანსირება გოთუას ქუჩაზე (სააკაძის მოედანთან, ქ.თბილისის მერიის მიმდებარედ). რევიზიის მიმდინარეობის პროცესში შემმოწმებლების მიერ გამოვლენილ იქნა დაახლოებით 20-მდე ფაქტი, აღნიშნული კომპანიის წარმომადგენელთა მხრიდან მენაშენეთა კუთვნილი თანხების არამიზნობრივ გამოყენებასთან დაკავშირებით.

მიმდინარეობს რევიზიის პროცესში გამოვლენილი ფაქტების შესწავლა, რის შემდეგაც გაგრძელდება ინტენსიური საგამოძიებო მოქმედებები. დაიკითხებიან ის პირები რომლებსაც არამიზნობრივად გატანილი აქვთ დიდი ოდენობით თანხები. ამ ეტაპისათვის მოწმის სახით დაკითხულია 24 პირი, მათ შორის დაზარალებული მენაშენეები და ს.ს. „ევრაზიის საინვესტიციო სააგენტოს" ხელმძღვანელი პირები. საგამოძიებო მოქმედებების ჩატარების შემდეგ რევიზიის პროცესში გამოვლენილ ფაქტებს მიეცემა სამართლებრივი შეფასება.

პარალელურად, სარევიზიო ჯგუფის მხრიდან გრძელდება „ცენტრ პოინტ ჯგუფში" შემავალი სხვა კომპანიების საფინანსო-ეკონომიკური საქმიანობის შემოწმება.

სხვა სიახლეები

საქართველოს პროკურატურამ ეროვნული ბანკის წერილის საფუძველზე სამეწარმეო საქმიანობაში მოხელის მიერ უკანონო მონაწილეობის ფაქტზე გამოძიება დაიწყო

საქართველოს გენერალური პროკურატურის საგამოძიებო ნაწილში, ეროვნული ბანკიდან გადმოგზავნილი შპს ,,ბიტექსჩეინჯის“ ხელმძღვანელი პირების განცხადებების... ...

09 ოქტომბერი, 2026

ამერიკის შეერთებული შტატების სახელმწიფო დეპარტამენტის ანგარიშის თანახმად ტრეფიკინგის წინააღმდეგ განხორციელებული ღონისძიებებით, საქართველო კვლავ უმაღლეს საფეხურზეა

ამერიკის შეერთებული შტატების სახელმწიფო დეპარტამენტის 2026 წლის 8 ოქტომბრის ანგარიშის თანახმად, ადამიანით ვაჭრობის (ტრეფიკინგის) წინააღმდეგ განხორციელ... ...

09 ოქტომბერი, 2026

პროკურატურამ პროსტიტუციის ხელშეწყობის და პროსტიტუციისთვის ადგილის გადაცემის ფაქტებზე 21 პირს ბრალდება წარუდგინა

საქართველოს პროკურატურამ პროსტიტუციის ხელშეწყობის ფაქტებზე ოცდაერთ პირს ბრალდება წარუდგინა. შინაგან საქმეთა სამინისტროს მიერ ჩატარებული გამოძიებით და... ...

08 ოქტომბერი, 2026