შალვა თადუმაძე ვენეციის კომისიის დელეგაციას შეხვდა

2018-11-06 18:53:15
საქართველოს მთავარი პროკურორი შალვა თადუმაძე ვენეციის კომისიის დელეგაციას შეხვდა. საქართველოს მთავარ პროკურატურაში გამართულ შეხვედრას მთავარი პროკურორის მოადგილე გიორგი გოგაძე ესწრებოდა.
დელეგაციის წევრები დეტალურად გაეცნენ საქართველოს პროკურატურის დამოუკიდებლობის უზრუნველსაყოფად განხორციელებულ ინსტიტუციურ რეფორმებს, უწყების პრიორიტეტებს,  პროკურატურის განვითარების სტრატეგიას, მუშაობის სპეციფიკას და პროკურატურის განვითარების სამომავლო გეგმებს.  შეხვედრაზე ასევე საუბარი შეეხო საქართველოს პროკურატურაში განხორციელებულ,  მიმდინარე და დაგეგმილ  რეფორმებს.   დასასრულს მხარეებმა მომავალში თანამშრომლობის მნიშვნელობას გაუსვეს ხაზი და ამ მიმართულებით მზაობა გამოხატეს.